أنهار الخير تطلق مبادرة إرحموا تُرحموا
الخير مش لازم يبقى مرتبط بشهر ولا مناسبة معينة!
خليك كريم ومعطاء باللي تقدر عليه حتى لو بمجرد كلمة طيبة، اظهر الخير اللي جواك.
حس بغيرك، شوف ظروفه، ساعده من غير ما تنتظر شكر ولا مقابل.
سامح اللي حواليك و اتجاوز عن إسائتهم، وساعدهم يتعلموا من غلطهم.
#ارحموا_ترحموا مصدر خير وسعادة للناس وادعي ربنا يباركلك في رزقك وصحتك وعائلتك.
#لأن_فينا_خير_كتير جه الوقت ننشره للدنيا كلها
طول عمرنا.الكرم جوانا والخير مالينا وبنحب نساعد بعض، بس فين ده دلوقتي ؟
كل يوم بتجيلي رسايل حزينة على صفحه المؤسسة .
ناس محتاجة
أطفال يتيمة
عائلات فقيرة
مرضى مش قادرين يتعالجوا
ناس ضاعت بيوتهم
حالات إنسانية صعبة
لازم كلنا نكون إيد وحدة، نقدر نغير كتير لو كل واحد فينا عمل حاجة حلوة.
عشان كده النهاردة بنعلن عن مبادرة جديدة لدعم كل إنسان قلبه كبير بيساعد اللي حواليه تابعوا هاشتاج مبادرة #ارحموا_ترحموا قريب جدًا جدًا كل التفاصيل هنشرها هنا علي الصفحه الرسمية لمؤسسة انهار الخير للتنمية.
مبادرة “ارحموا ترحموا” عشان ناخد بأيد بعض في الخير 
، و ننشر الخير أكتر وأكتر.
هي مبادرة لكل إنسان عنده قلب طيب، بيحب الخير، عايز يساعد، عايز يغير الدنيا.
هي مبادرة لكل المؤمنين، إن الإنسان للإنسان سند وضهر و رحمة .
هتكون مبادرة إن شاء الله مليانة قصص خير، ومليانة أمل
هتكون مبادرة عشان نرجع روح الإنسانية لينا من تاني
